Nora Istrefi thotë se ende është e re për t’u martuar. Ajo është e fejuar me Robert Berishën, por thotë se nuk do të martohet në një të ardhme të afërt, së paku jo gjatë këtij viti.

“Edhe pse jam e fejuar, nuk planifikoj martesë për vitin 2010, ngase mendoj se jam e re për t’u martuar. Unë besoj se mosha ideale për martesë është 25 vjet e më lart, kështu që unë ende nuk i kam mbushur të 24-at dhe nuk e kam arritur ende moshën e martesës. E kam biseduar edhe me familjen time, gjegjësisht mamin se pa i bërë 25 vjet nuk do të martohem”, citohet Nora nga e përditshmja Kosova Sot.

Dasmën e saj, Nora e parashikon me një ceremoni të madhe martesore, me një atmosferë të këndshme, në prani të shumë mysafirëve.

Komiteti i La Ligas ka vendosur që ta suspendojë superyllin e Real Madridit, Crisitiano Ronaldo, me dy ndeshje moslojë si pasojë e kartonit të kuq që mori në ndeshjen kundër Malagas.

Portugezi shënoi dy golat e fitores në atë ndeshje dhe pastaj u përjashtua me karton të kuq, ndërsa tani Marca transmeton se ai do t’i mungojë Realit në dy ndeshjet e radhës kampionale.

Ndërkohë, mësohet se Mbretërit do të apelojnë ndaj këtij vendimi dhe do të kërkojnë që të reduktohet në një ndeshje moslojë.

Manchester Unitedi ka konfirmuar transferimin e qendërmbrojtësit Chris Smalling nga Fulhami.

United kishte konkurrent Arsenalin që po ashtu dëshironte shërbimet e anglezit, ndërsa merret vesh që Djajtë e Kuq kanë paguar 7 milionë funte për Smalling.

“Manchester Unitedi ka arritur marrëveshje për transferimin Chris Smalling nga Fulham. Chris është pajtuar me kushtet personale me klubin dhe do t’i bashkëngjitet nga fillimi i sezonit 2010-2011. Ai do të qëndrojë te Fulhami deri në fund të këtij sezoni”, shkruan në deklaratën zyrtare të kampionit të Ligës Premier.

Trajneri i Milanit, Leonardo, ka kërkuar nga lojtarët e tij që të përqendrohen te ndeshja e të mërkurës kundër Udineses në kuadër të Kupës së Italisë, dhe të mos mendojnë për humbjen nga Interi.

“Kuptohet se nuk harroj se çfarë ndodh në fushë. Derbi jep sinjale të rëndësishme, por ne duhet të mendojmë për ndeshjen e nesërme kundër Udineses në Kupën e Italisë, sepse kjo është një mundësi për të rikthyer gjërat”.

“Deri më tani kemi folur shumë për atë çfarë ndodhi kundër Interit, por tani duhet të luajmë kundër Udineses”, u ka thënë trajneri gazetarëve

Vëllai dhe agjenti i Ronaldinhos, Roberto De Assis, ka heshtur thashethemet për mundësinë e largimit të brazilianit nga Milani.

“A do të qëndrojë Ronaldinho te Milani? Po padyshim”, është shprehur Roberto për Sportmediaset.it.

Reagimi i tij ishte për të mbështetur një artikull të shkruar në Il Corriere Dello Sport, ku thuhej se Dinho planifikon ta zgjatë kontratën deri në vitin 2013 me Rossonerët.

Simon Cowell do të bashkojë një grup artistësh për të incizuar një singël bamirës për të ndihmuar viktimat e tërmetit në Haiti.

Moguli i muzikës dëshiron të ndihmojë shtetin e Karaibeve që është goditur nga dy tërmete të fuqishme gjatë tetë ditëve të kaluara, duke lënë qindra mijëra njerëz të vdekur, dhe ka vendosur të mbledhë sa më shumë yje për incizuar singlin bamirës.

“Kemi vendosur sot, andaj do të duhet t’i bashkoj të gjithë së bashku brenda 48 orëve. Do të përfshij sa më shumë njerëz që mundem. Nuk e kam menduar këngën ende, kam disa ide”, ka thënë Cowell./Telegrafi/

George Clooney dëshiron ta ‘stërvitë’ mikun e tij Matt Damon në përpjekje për t’ia siguruar atij edhe titullin e dytë Mashkulli më Seksi i Gjallë.

Clooney është një prej katër yjeve të Hollywoodit që e ka marrë dy herë titullin nga revista People, krahas Brad Pitt, Richard Gere dhe Johnny Depp.

Dhe aktori dëshiron që edhe shoku i tij Damon, i cili fitoi në vitin 2007, të rikthehet në formë ashtu që të mund ta fitojë edhe një herë çmimin prestigjioz.

“Kështu janë gjërat. Matt Damon është shumë garues me Brad Pitt dhe me mua. Brad dhe unë jemi që të dy nga dy herë Meshkujt më Seksi. Matt e ka fituar atë vetëm një herë”.

“Kur e shoh atë me aq shumë kilogramë, të cilat i ka shtuar për filmin ‘The Informant!’, mendoj se ai ka nevojë për shumë punë nëse dëshiron të rikthejë titullin. Do ta stërvis atë dhe do të punoj me të, pasi ai do të ketë shumë konkurrencë këtë vit”, ka shtuar Clooney./Telegrafi/

Aktorja Tara Reid raportohet se planifikon të martohet pasi i dashuri i saj Michael Axtmann i kishte propozuar më herët gjatë kësaj jave.

Ylli i filmit “American Pie” thuhet se është e ngazëllyer pasi i dashuri i saj, milioneri gjerman Michael Axtmann, kishte fluturuar të hënën për në Los Angeles për t’i propozuar martesë asaj.

“Tara e mori unazën nga unë dhe është në qiell tash”, iu ka thënë biznesmeni miqve të tij.

Sipas faqes gjermane Bunte Online, dyshja të cilët janë në lidhje që nga maji 2009, planifikojnë të lidhin kurorë më vonë gjatë këtij viti në Meksikë./Telegrafi

Scarlett Johansson nxjerr veten në ‘ankand’ për të mbledhur para për të ndihmuar viktimat e tërmetit në Haiti.

Katër fansa do të kenë shansin të shoqërohen me aktoren pas mbrëmjes hapëse të shfaqjes së saj “A View From The Bridge” që jepen të dielën në Cort Theatre.

Përfitimet nga ankandi do të shkojnë në fondin e veçantë Oxfam’s Haiti Earthquake Response Fund. Johansson po ashtu do të jetë pjesë e iniciativës së George Clooney për të mbledhur para me teleton, ngjarje kjo që zhvillohet të premten./Telegrafi/

13 vite pasi është larguar nga teatri, Clive Owen është në kërkim të një shfaqje teatrore ku mund të luajë.

Aktori britanik u bë i njohur me rolin e tij në shfaqjen teatrale “Closer” në Londër në vitin 1997, ndërsa në vitin 2004 luajti edhe në adaptimin filmik të “Closer”, krahas Julia Roberts.

Dhe tani, pas më shumë se një dekade me role filmike, Owen është në kërkim të një projekti të përsosur teatror për të, i cili do ta kthente në skenë përpara publikut. /Telegrafi/

Menaxheri i Liverpoolit, Rafa Benitez, është i bindur se ata do të jenë shumë të mirë në pjesën e dytë të sezonit.

“Mendoj se po. Është në pyetje t’i kemi të gjithë lojtarët të gatshëm dhe nëse jo, së paku t’i kemi lojtarët tjerë në formë siç ishin sonte”, ka hënë Benitez pas fitores së mbrëmshme prej 2-0 ndaj Tottenhamit.

“Gjatë pesë viteve të kaluara kemi qenë më të mirë në pjesën e dytë të sezonit. Çdokush e di se Liverpooli është një ekip i mirë. Është pyetja të fitojmë ndeshje dhe të tregojmë kualitetin tonë”, ka shtuar strategu spanjoll./Telegrafi/

Portieri legjendar i Bayern Munichut, Oliver Kahn, ka porositur ish-klubin e tij të zgjidhë problemet që ka në portë duke nënshkruar me heroin e Juventusit, Gigi Buffon.

Bayern ka dështuar të gjejë një portier të qëndrueshëm pas largimit të Kahn, edhe pse ka në dispozicion dy portierët Michael Rensing dhe Hans-Jorg Butt.

“Bayern ka ambicie të mëdha dhe kur dëshironi t’i realizoni objektiva, keni nevojë për një prej portierëve më të mirë në botë”, ka thënë Kahn duke menduar në Buffon.

“Është gjithmonë një bast me portierë të rinj si Rensing. Sa për Jorg Butt, ai është 35-vjeçar dhe Bayern duhet të mendojë për një alternativë”, ka shtuar gjermani për Bild./Telegrafi/

Detroit Pistons ka dominuar në çerekun e katërt të takimit për të shënuar fitore 92-86 ndaj Boston Celtis.

Rodney Stuckey udhëhoqi te fituesit me 27 pikë, 11 kërcime dhe gjashtë asistime, derisa Charlie Villanueva shënoi 10 nga 19 pikët në çerekun e fundit vendimtar për Pistons. Detroit tash ka 15 fitore dhe 26 humbje këtë sezon.

Rasheed Wallace ka shënuar 16 pikë dhe shtatë kërcime për mysafirët nga Bostoni, që mbeten në kuotën e 27 fitoreve, ndërsa çojnë në 13 numrin e humbjeve këtë sezon./Telegrafi/

Drejtuesit e Milanit nuk dëshirojnë ta lejojnë sulmuesin Klaas-Jan Huntelaar të largohet gjatë këtij muaji.

Huntelaar së fundi tha se ai dëshiron të largohet nga Milani në formë huazimi në një ekip ku do të gjejë vend në formacionin e parë, derisa dëshiron të sigurojë vend për në Kupën Botërore.

Por La Repubblica thotë se Milani tashmë ka refuzuar negociatat me Arsenalin dhe Liverpoolin për Huntelaar dhe se nuk do të lejojë që holandezi të largohet para fundit të sezonit./Telegrafi

Pep Guardiola thotë se ai nuk ka dyshime për faktin nëse do të vazhdojë ose jo marrëveshjen njëvjeçare me Barcelonën.

Marrëveshja e re e Guardiolas do ta lidhë atë me kampionin e Spanjës, Evropës dhe Botës deri në fund të sezonit të ardhshëm 2010/11, edhe pse marrëveshja nuk do të nënshkruhet deri pas zgjedhjeve presidenciale të kësaj vere.

“Askund tjetër nuk do të jem më i mirë se që jam këtu. E di se më herët ose më vonë nuk do të jem trajner i Barcelonës dhe dua të shijoj në maksimum kohën këtu”.

“Trajneri i Barcelonës nuk mund të jetë këtu për gjithë jetën, andaj mendoj se duhet të nënshkruani në periudha të shkurtra gjatë të cilave trajneri duhet të arrijë qëllime, me lojtarë, me fansa… Unë doja ta shoh nëse kjo po ndodh, nëse e kisha përkrahjen e lojtarëve, bordit”, ka thënë Guardiola./Telegrafi/